તું ચાલ….

સમય સાથે કદમ મિલાવી તું દોડ, 
      દોડી ના શકે તો પગલું ભર
                        પણ તું ચાલ…..
      થાકી ગયો તો ધીમે ધીમે ચાલ,
      પગ નથી તો ઢસડાઇને ચાલ,
                         પણ તું ચાલ……
      આંખો નથી તો ભટકાતો ચાલ,
      હાથ નથી તો હિંમતથી ચાલ,
                          પણ તું ચાલ…..
      ચાલતું રહેવું તારું કર્મ છે
      હારી ગયો બધું છતાં,
                            પણ તું ચાલ….
    જિંદગી તારા વગર અટકતી નથી,
     હાથ પગ નથી તો પેટે સરક,
                          પણ તું ચાલ……
     સમય કોઈની રાહ જોતો નથી,
    વારંવાર હાર, ફરી ફરી હાર,
                          પણ તું ચાલ…..
  ભીડમાં તું ખોવાઈ જઈશ,
  કોઈ સાથે નહી તો તું એકલો
                         પણ તું ચાલ…..
   ક્યાંક તો મંજિલ મળશે દોસ્ત,
   રોશની નથી ક્યાંય, છતાં અંધારાને ચીરીને,
                          પણ તું ચાલ…….