રડાવી સૌને ચાલી દિકરી સાસરિયે,
આંખ નમ ખુશીથી વરસતી…..
હૈયે હરખ ના માય
પિતા ઘર છોડી ચાલી સાસરિયે
હાથ પકડી હમસફર….
પિતાના પ્રેમ ભર્યા ધ્રૂજતા હાથે, જિંદગીભર ખુશીની દુઆ કરતા કાળજાના કટકાને ભર્યા નયને વિદાઈ આપી. ” મારી દિકરીની ખુશીને કોઈની નજર ના લાગે. હવેથી દિકરી તારું ઘર તારું સાસરયુ…… ” બોલતા ફરી હારી ગયો એ મર્દ….. ગાડીમાં બેસી વળાવી લાડલી…..
વર્ષો પછી એ વધતી ઉંમરે ઘરડી અનુભવી આંખો રડી તો નહી પણ ……
દિકરીની ભરી આંખો જોઈ ફરી એ ધ્રૂજતો હાથ લોખંડી બની ગયો … ” ચિંતા ના કર દિકરા, હું બેઠો છું ને! લડી લઈશું….. ચલ ઉઠ….. તું મારી દિકરી બની હારી ના શકે. તારે લડવું પડશે. તારા હક માટે અવાજ ઉઠાવ…. સત્યનો જ જય થાય છે. ” આજે ફરી દિકરીના માથે હાથ મૂકી આશીર્વાદ આપી, તેનામાં જુસ્સો ભરતા ગાડીને ભગાવી…… કોર્ટના દરવાજે…… !
————*******————-
